Бобат концепијата е вид физиотерапевтско лечење, чијашто цел е подобрување на движењето и мобилноста кај пациенти со оштетување на централниот нервен систем (главен и ‘рбетен мозок). Многу физиотерапевти ја користат Бобат концепцијата за рехабилитација на пациенти со невролошки заболувања, со цел активирање на сензорните и моторни патишта и овозможување на нормалното движење и контрола на моториката.
Концепцијата Бобат продолжува да се развива, а нејзината примена се проширува кај различните невролошки состојби. Новите истражувања и теории успешно се интегрираат во терапевтскиот модел на оваа методика.
Овој вид терапија може да биде применет само од обучени и сертифицирани физиотерапевти.
Концепцијата Бобат се заснова на способноста на мозокот да се адаптира кон настанатата промена, да се реорганизира и да закрепне по невролошка повреда.
Работејќи според Бобат концепцијата, физиотерапевтите го стимулираат пациентот да се движи на најнормален и енергетски ефективен начин, со што спречуваат појава на лоши модели на движење, а на овој начин се постигнува:
Во Центарот за роботизирана рехабилитација “Рего” Бобат терапијата се користи заедно со други методи за лекување, за да се обезбеди оптимален резултат за пациентот. Кај секој човек со невролошко заболување* се набљудуваат различни дефицити и физиотерапевтското лечење треба да биде прилагодено на индивидуалните потреби и цели. Тоа им помага на физиотерапевтите максимално да го развијат и стимулираат потенцијалот за закрепнување на своите пациенти.
