Бојан

ReGo rehabilitation

клинички случај

РБЕТНО-МОЗОЧНА ТРАУМА

Ви претставуваме клинички случај на 24-годишен маж (Б.Д.*) со 'рбетно- мозочна траума Th7-8, долна параплегија.

Бојан има 26 години. По преживеана сообраќајка останува неподвижен од половината надолу, има и повеќе трауми и скршеници по целото тело. Според зборовите на неговата мајка, лекарите, коишто му пружиле прва помош, ја предупредиле, дека неговата состојба е критична и не се исклучени фатални последици. Еден месец подоцна се упатуваат во МБДЛР „Сердика“, каде во тоа време (до август 2021) се наоѓа и “ReGo Rehabilitation”. По целенасочени вежби и напори од страна на Бојан, терапевти и машини, осетот на Бојан во долните екстремитети полека се враќа. Како стигнал од хоризонтална положба во носилка до исправена положба и одење – видете во видеото.

Првичен преглед и функционална диагностика

Според податоци од анамнезата, на 26 Август 2020г. е примен во Клиниката за неврохирургија на УМБАЛ „Света Анна“ – Софија поради повеќе трауми на глава, граден кош, 'рбетен столб и карлица по преживеана сообраќајна несреќа. Се набљудува полифрагментна фрактура на телото на Th7 и Th8 пршлени со коскени фрагменти во миелонот, фрактура на трансверзалните израстоци на Th4-Th8, пневмоторакс, полифрагментни фрактури на ребра (IV до VII-мо), фрактура на скапули и десен ацетабулум. Направена е декомпресија на миелонот во торакален оддел, а потоа и транспедикуларна остеосинтеза. По излегување од болница е насочен да го продолжи лекувањето и рехабилитацијата. Страда од персистентна долна параплегија и отсуство на осет.

Б.Д. доаѓа во Центарот за роботизирана рехабилитација “Сердика” во јануари 2021г. За него е одреден рехабилитациски курс, којшто вклучува кинезитерапија според индивидуално изработена програма и процедури со Lokomat Pro во времетраење од 12 седмици.

На првичниот преглед се прави оценка на невролошкиот статус на пациентот. Функционалната проверка на горните екстремитети покажува дека тие се силни (оценка 5 според ММТ) , стабилни и немаат никакви ограничувања во опсегот на движење.

Функционалната проверка на долните екстремитети покажува изразено нарушена сетилност, како површински, така и подлабоко под нивото на траумата. Мускулниот тонус е значително зголемен и пасивните движења се отежнати. Поставена е оценка 3 за спастицитетот на нозете според МAS (Modified Ashworth Scale). Се набљудуваат клонуси, поизразени лево. Се преместува на леглото со помош. Самостојно користи рачна инвалидска количка.